07‏/06‏/2011

بغلط !!!

بالرغم من انى قريت الجملة دى كتيــر 
"Life has NO Ctrl+Z"
بس عمرى ما فكرت فى معناها 
اصل البنى ادم مبيستوعبش انه ممكن يغلط زى بقية البنى ادمين
 الا لما يبقى قدام الغلط ومحتاج Ctrl+Z ...


انا عن نفسى بحب انى اغلط علشان ابقى قوية 
بس برضه مبحبش انى اغلط الغلط
 اللى خلينى اتحول ومبقاش نفسى


بس "منطق الغلط " انه مفوش اختيار اصلا لنوع الغلط
بس فيه اختيار للوقت اللى بتلحق نفسك فيه 
فى جملة كتبتها على الفيس بوك من فترة :
قيـــس درجة طهارتك ... بسرعتك فى الجرى بعيد عن اللى بيدنسك ... الحمد.. لله لســـة بعرف اجرى ;) ^_^
تفتكروا هأكون لسة بعرف اجرى ؟!

التدوينة السادسة بـ حملة : دَوِنْ

هناك 3 تعليقات:

  1. كثير بنغلط ، بس من الضروري انه نصحح هذا الغلط ولا نكرره .. وساعات بنغلط غلطة بنندم العمر كله عليها وبنتمنى لو كان معانا محاية أو استيكه يعني ,, ونمحي فيها هالغلطة ..

    استمتعت بالمرور والقراءة .. وبالتوفيق في حملة التدوين اليومي .

    ردحذف
  2. مش عيب اننا نغلط مدام بنتعلم من اخطائنا

    لكن اننا نغلط عن قصد عشان نتعلم أعتقد دا صعب شويه

    اذ اننا مش محتاجين الغلط عشان نتعلم مش لازم نتقرص عشان نتعلم ومش لازن نتجرح عشان نتعلم

    دا رأيي

    أسعدنى المرور والمناقشه

    تحياتى

    ردحذف
  3. وجع البنسفج ميرسى اوى ليكى ولردك
    :)

    تاكاشى
    الفكرة مش القصد
    لكن لافكرة مش رفض الغلط
    يعنى الناس لما حاجة بتحصل فى حساتهم لاما بياخدوا موقف ايجابى او سلبى ضدها ( لاحبوها لايكرهوها يعنى )
    وانا اما بغلط
    بيكون موقفى من غلطى ان بحبه مبكرهوش علشان بتعلم
    وده بيخلينى اقوى
    :)

    وانا دايما بقلها ان الواحد لما بيتحط فى الموقف بيعلم فيه اكتر بكتير من لما بس بيبقى بيسمع عنه
    علشان كدة برضه انا مبرفضش انى اغلط

    لكن ان الواحد يجرى للغلط برجله دى تبقى مصيبة ربنا ما يحطنا مكان الشخص دى
    :)

    منور المدونة بجد
    :) :)

    ردحذف