انا لما ببقى مخنوقة باكل
باكل حاجات كتير كلها ورا بعض
ومبركزش انا باكل ايه ؟
بس ثوانى وبطنى كلها بتتقلب
ومبقاش طايقة اى حاجة من اللى اكلتها دى !
وبفضل مش طايقاها وبعيدة عنها
لفتـرة طويلة اوى بعد كدة
ويمكن لو كنت كلت كل حاجة منها
مستقلة بذاتها ...
وفى الوقت المناسب
بدل ما اختار العك ده
كان زمانى استمتعت
انا اكتشفت انى بعك كمان
فى البنى آدميـــن اللى حواليا
بختار بنى ادمين صح يبقوا جنبى فى وقت غلط
انا بجمع بجمع بجمع
لحد ما يجيلى تخمة ومقدرش استحمل
فأتوجع
الخوف من الوحدة احساس غبى
واسلوبى فى انى الاقى طريقة
اتخلص فيها من الوحدة دى
من غير اى شك
هو اسلوبى الاغبى على الاطلاق !!!
2010
التدوينة التاسعة بـ حملة : دَوِنْ
ساعات المشاعر المتضاربه والمقلقه دى بتأثر على طريقه تفكيرنا
ردحذفانا بتضايق جدا لانى لما بكون مضايق باكل
ولما بحس بالوحده باكل وزيك كدا تقريبا باكل اي حاجه وبعدين بطني توجعني
لكن اننا نختار اشخاص صح في وقت غلط أعتقد انو دا مش صح
الشخص الصح بيعرف يخلي كل الاوقات مناسبه
لأ ساعات احنا يا تاكاشى اللى مش بنعرفهم نعاملهم صح
ردحذفلاننا اصلا مش مهيئين اننا نتعامل معاهم صح
وبالتالى بنضطرهم انهم يتخلوا عننا
منور المدونة دايما
اقدر اقول البيت بيتك :)