لأننى حمقاء ...

لأننى حمقاء ...
كتبتك إيقونة حظى ومفتاح سعادتى
يكفينى فُتاتكْ ..
اسامح خطاياك ...
رجلاً إستثنائى ...
سألتك ان تبقى وحدك بطلاً لقلبى ...
توقف الوقت عندى بعدك ...
فصرت وحدك كل عالمى ...

لأننى حمقاء ...
لم احفل برجلاً -غيرك - احبنى بحق ...
لم اكتب له كلمات  ...
فقط اتصيد ذلاته
فأقيم له مشنقتى الورقية ...

لم ادرك قبلاً اننا لا نكتب عن كل ما يقابل يومنا ..
اننا نكتب فقط عن تلك الـ لحظات التى نسرقها خلاله ...
فـ ربما سرقت ذلاته ...
وسرقتك رجلاً استثنائى لم تكنه بخيالى سوى لحظات !

مين اللى يستنى حاجة مش جاية إلا لو مجنـــــون !

عقدة الاضطهاد :D :D

فجأة بتحس ان المجتمع ضدك
وان كل اللى حواليك مش مهتمين بيك
وده بالدليل القاطع معناه
محــــدش بيحبك !

متستناش حاجة من حد

مهما كان درجة قربه ليك
متستناش حتى شكر على حاجة عملتها
جيب مصباح
وكون لـ " نفســك "
العفريت اللى بيحقللها اللى هى عايزاه
قولها  "شكراً " و"شطورة " و" بحبك "
اهديها  وردة
او اعزمها على هابى ميل :D

ورغم ده اتأكد انك مبتتفضلش على اللى حواليك
بإنك مبقتش مستنى حاجة منهم
يمكن دى تبقى خطوة علشان تعاملهم احسن 

يعنى لما هتنفخ لنفسك بالونة عيد ميلادك
بس تتفاجىء ان صحابك اتفقوا وجابولك تورتة
ساعتها هتحس انهم مميزين ،
وانهم "بجد" بيحبووووك 3>3>

صوتك

صوتك 

هو موقع هدفه فى الاساس عرض اراء الشعب المصرى

ملاحظيين اكيد ان الاعلام هو اللى بقى بيتحكم فى عرض وجهه نظره لينا 

كل قناة على حسب سياستها وعلى حسب وجهه النظر اللى عايزة توصلها لينا

فمش بستغرب لما اشوف معلومة بتتنقل من النقيض للنقيض

 بمجرد انى ادوس على الريموت واحول من قناة لقناة 

او انى انتقل من جورنال لجورنال الموضوع بقى مزززززززززعج :@@@

علشان كدة ده كان الهدف من موقع صوتـــك :

 www.sowtuk.com

انه يظهر كل الاراء بحيايدية كاملة 

وكمان انه هيهتم باراء الاستطلاعات 

يعنى مش هاجيب استطلاع موجود على صفحة على الفيس بوك

واعتبر ان ده استطلاع رأى الشعب المصرى كله

فيه استطلاعات رأى لمستخدمى الانترنت واستطلاعات بالتليفون واستطلاعات ميدانية 

هيتم عرض نتايجها على الموقع وعلى صفحة الفيس بوك : صوتك

ده بجانب الاخبار والكاريكاتير ومقالات الكتاب 

وبرضه مقالات المواطنين العاديين المهمويين بقضايا مصر 

لو حابب تشارك وتكتب من خلال صوتك ممكن تبعت مقالك على : sowtuk@sowtuk.com

تجديــــد

مع انى مش بحب التغيير
وبتشبث جداً باللى عارفاه - احسن من اللى معرفوش :D-
مبسوطة انى غيرت من تصميم مدونتى
علشان تلائم التغييرات الجذرية اللى انا ملاحظاها على نفسى
- الحمد لله كما ينبغى لجلال وجهه وعظيم سلطانه -

اتمنى الشكل الجديد يعجبكم ;

وربنا يبسطكم 

3>3>

بـ . ـا . سـ . ـنـ . ـت

:) :)

Good bye!!

- Maybe not mine but i mean it alot -

‎- I̶ ̶c̶a̶n̶'̶t̶ ̶l̶i̶v̶e̶ w̶i̶t̶h̶o̶u̶t̶ y̶o̶u̶. Oh,sorry,I can.
!!!

تكفينى :)

تكفينى رسالة صباحية منك
لا تهم كلمات حروفها
طالما تعنى انك مازلت تذكرنى
كنت اردد قبلك :
" بعض من كل شىء .. واكتفى "
ومنذ لقاءك صرت اكيدة :
" بعض منك ... وحقاً اكتفى "

17-7-2011

5:16 - pm

كتاب الـ 100 تدوينة

لو عجبوك تدوينتينى المشاركين لـ "كتاب المئة تدوينة"
ياريت تعمل لايك زى اللى فى الصورة
جوة السايت مش هنا ;)

التدوينة الاولى : احن لبيت
http://100posts-voting.blogspot.com/2011/07/blog-post_2338.html
التدوينة الثانية : حالات فيهم ما تتخطبيش
http://100posts-voting.blogspot.com/2011/07/blog-post_6934.html

ولو عايزين تعملوا لايك لتدوينات تانية حلوة كتير
http://100posts-ebook.blogspot.com/
ممكن تصوتوا لكذا تدوينة لا تقلقوا
:))

مازلت "انت" 3>3>

رغم إصرارك على بُعد طويل
صمت طويل
وغضبك منى جداً طويل .. ;

رغم كلمات باهتة

بلا روح
تعبر بها قلبى ;

رغم رسائل لم ترد عليها ..
وموعد لم تحضره ...
وشغف بائس
يحتضر على بابك ;

رغم جميع فتياتك
وفُتات كلماتك
وإقصاءك لى
بعيداً عن مدار إهتماماتك ;

رغم كل ما بدأ هنا بـ " رغم"
وكل ما قد يحمل يأس عظيم الى قلبى

مازلت "انت"
رجلى الإستثنائى ..
وهدية قدرى الثمينة
ومازلت "انا "
فتاة عاجزة 
إلا ان تُحبك... جداً
3>3>

14-7-2011

تغيــــــرت

تغيرت تماماً
لم اعد تلك القوية ..
لم اعد املك مفتاحى التفاؤل ..التجاهل خاصتى ،
لم اعد املك زمام كلماتى ..
نسيت نوتة قلبى ...
صارت كل احاسيس ... نشاز
لم يعد لنور منطقى ...
او بعض من حكمتى اية فائدة
بمتاهة طيش حماقتى ..،
صرت اكرهنى كثيراً
اكره تلك التى قالت لك يوماً :
" أ . حـ . ـبـ . ـكـ "

........................

آخر يونيو :(

بالظبط زى آخر يوم فى مدرستى
اللى قضيت فيها سنين كتيـــر ...
او اليوم اللى قبل سفر ابن خالتى
للسعودية ومش هيرجع الا بعد سنتين

زى الوقت اللى بودع فيه صحابى
على محطة المترو
بعد يوم خروجة اتبسطنا فيه ..

زى اما اسمع اغنية سهر الليالى ..
واعرف ان فرح بنت خالتى
خلاص خلص ...

زى اخر عدساية
فى طبق "الكشرى" اللى بعشقه ..
وانا بتمنى الراجل يسألنى :
"تحبــى تاخدى كمالة ؟"
:D :D

زى كل حاجة حلوة
قلبى بيرقص من كتر بسطته بيها
وخلاص آن الوقت انها هتخلص

كنت كدة يا يونيو :))
لأول مرة يكونلى فيك ذكرى حلوة
"حملة التدوين اليومى لشهر يونيو"

عرفت صحاب ومدونين بجــد
فخورة انى عرفتهم ..
لاول مرة ابقى مستنية الردود على اللى بكتبه
لأول مرة ادون كل ده فى شهر واحد

اتمنى نكررها بقى :* 3>

التدوينة الثلاثون بـ حملة : دَوِنْ

هستنى ميعادنا الجديد يا حلويين
:):)

طفلـــة عاشقـــــة :)

 نزعت مريلتى

وحللت ضفائرى ..,

وضعت الالوان على وجهى

رششت العطر

لبست العقود

لونت أظافر اقدامى

ولكن لا تقل لى كلام عذب يطربنى

فانا لازلت طفلة تحبو

فى مملكة العشاق

خرجت الى الشوارع

عبرت الطرقات

سافرت عبر المتاهات

ركبت القطار

وجلست

خائفة ان تقول كلام عذب يطربنى

وانا لازلت طفلة تحبو

فى مملكة العشاق

قرأت الروايات العاطفية

والاشعار الرومانسية

رسمت اللوحات

وسمعت الاغنيات

ولكن إحذر ان تقترب من اذنى

وتسمعنى ...

كلام عذب يطربنى

وانا لازلت طفلة تحبو

فى مملكة العشاق

لبست فستان اسود

مكشوف الذراعين

وانتعلت الكعب العالى

وضعت عطر نسائى

ولكن لا تقل لى كلام عذب يطربنى

فانا لازلت طفلة تحبو

فى مملكة العشاق

خرجنا سويا

تناولنا العشاء

ورقصنا معاّ طوال المساء

وبصوتك اسمعتنى احلى غناء

فلا تهمس بكلام عذب يطربنى

وانا مازلت طفلة تحبو

فى مملكة العشاق

تناولت القهوة

وجلست فى مجلس الكبار

سهرت حتى الفجر

وانا اكتب اشعار

بعيدة عن كلام الحب

فانا مازلت طفلة تحبو

فى مملكة العشاق

استمع دقات ساعتى

استمع دقات قلبى

اخلد الى نومى

يوقظنى حلم كنت فيه

تدنو منى

تهدينى الازهار

فلما لا تقول كلام عذب يطربنى ؟؟

فانا ما عدت طفلة تحبو بل ملكة مملكة العشاق ...

التدوينة التاسعة والعشرون بـ حملة : دَوِنْ

امرأة تفهمــك

 هل آن وقت الرحيل ؟؟

فنظراتك لى هى الدليل ..

لن تجد امرأة مثلى تعرفك

وقبل كلماتك تسمعك...

اعرف ان كثرة عنادى اضجرك

وعدم اعترافى بحبك قد اغضبك

ولكنى يوما لم اتركك ...

لن تجد واحدة غيرى تسعدك ....

******

ماذا تقول ...؟؟؟!!

أحقا وجدت فتاة عمرك؟

وافقت ان تبقى معك كظلك !!

أتعشق تلك الفتاة بريق عينك ؟

وتعشق سماع رنة صوتك؟

أترى ان سر جمالك روحك ؟

هل شاركتك تلك الفتاة حلمك ؟

أتقول انها تعرف طبعك ؟؟

أتقبل فتاتك ...

بإضطراب خطوات رقصك ؟

وتقبلت فوراً نوبات غضبك ؟

هل جربت يوماً غيرتك ؟

وهل فعلا تشبهك حبيبتك ؟

هل تتعثر خجلا مثلك ..؟

وتتلعثم كلماتها ككلماتك ؟

أكل صباح تتناول نفس قهوتك ؟

وتحب المساء..

فتشعر بنفس سعادتك ؟؟

أاتركض تحت المطر كنوبتك ؟؟

هل إستطاعت أن تكسب ثقتك ؟؟

وهل قالت لك يوماً انها تحبك ؟؟

******

يا رجلى الغاضب ..

للمرة الاخيرة اقولها لك..

ساتركك مع محاولتك ..

حتى تعود لحالتك ...

وتكتشف انت بنفسك ..

انك لن تجد يوماً ...

إمرأة مثلى تفهمك ..

التدوينة الثامنة والعشرون بـ حملة : دَوِنْ