هدنة ...

سأمنح عقلى رحلة و اجازة مفتوحة

لا حدود للوقت  ...

 سيصحب قلبى عقلى فى رحلته

ليبدئا الهدنة ...

****

هدنة لتستقر الاوضاع بينهما

هدنة ليوجدا نقاط الاتفاق

ويتخلصا على الفور من كل اختلافاتهما

 كى تهدأ تلك الروح المجنونة داخلى

فقد سئمت رغبات كل منهما

فى ان تنصف احدهما دون الاخر ...

*****

من بعدها اخلد الى نومى مباشرة ...

دون احلامى المزعجة الشريرة

التى تجعلنى اراك مكبلا بغابات الاشواك

فتشدنى افكار عقلى بعيدا عن طريقك

وتلومنى دقات قلبى كلما ابتعدت خطواتى

*****

صرت لا افهم افعالى ...

بل ربما لا وجود لتلك الافعال من الاساس

فكلها بقايا نزاعات حملتها داخلى ...

ووضعتها طفل مشوه !!!

*****

احتاج هدنة

 تولد قرارات تجعلنى لا اندم أن أتخذتها

وعندما افعل ...

لا أكون انسان اخر غيرى أنا...

اهداء لدود القراية .....:D

بالرغم من انى معرفش يعنى ايه دودة قراية بس ده كان وصف قرايبى كانوا بيتريقوا عليا فيه علشان وانا صغيرة كانوا كلهم يبقوا بيعملوا اى حاجة وانا عمالة اقرا فى كتب طبعا يعنى انا مكنتش بقرا كتب كتب يعنى بس كنت بحب الروايات وكنت بحسها مسلية اكتر من حاجات تانية كتيييييييييييير 
طبعا ده كان من زمن انا تقريبا كل شهر يبقى حلو اوى لو مسكت كتاب وقريته ....
بس بجد لقيت موقع اقل ما يقال عنه انه تحفه ....
فيه كتب من كل مكان وزمان - ده فيه كتاب لرئيس القسم بتاعى - 
وبجد حبيت انى اشارك بيه كل اللى بيحب يقرا وبالاخص كل الدود ( متخافوش وصف حلو مش وحش ) ....

اضغط هنا

الموقع فيه مجموعة كبييييييييييييرة من الكتب المفيدة والمهمة وانا معرفش مين اللى ربنا هيجازيه خير وعمل الاختراع ده بس انا لقيته فى منتدى النادى ( شاابوه لاحلى اعضاء فيه :)) ) ...
يلا هاف فين يا دود القراية 

العنف هو الحل ...!!!

كنت داخلة النت عادى انا قريت عن الخبر ده :
خالد محمد سعيد

يمكن الخبر كان فرصة للى عايز يشمت فى مصر يشمت وبقت حالة من " اللى ما يشترى يتفرج ".....،
واللى مش عايز يشمت فى مصر قرر يشتم فى مصر ... فى الحكومة والشرطة وحتى نفسه لانه مستحمل الهم ده ....،
انا مش بتبع اى حزب حكومى او غير حكومى .... يعنى مش جاية ادافع عن حد بس انا بفكر كأنسان ... العيب مش فى الحكومة ولا غيره ....
العيب بقى فيـــــــــــــــــــــــــــــــــنا !!!
فيه ايه يا جدعان ؟؟؟؟
احنا ليه بنعمل كدة فى بعض ...
يعنى حالة خالد هى الحالة الطبيعية لينا ....
بقى عندنا كمية من الطاقة السلبية والغل بنطلعهم بابشع الصور ....
بذمتكم مش انكو تشوفوا راجل ثلاثينى ماسك عيل صغير بيعجنه مش بيضربه فى الشارع بقى حاجة مبتخلناش نفكر ولو للحظة ايه السبب فى اللى بيحصل بينهم ... ماهو عــــــادى
انك تلاقى شاب عشرينى فى اتوبيس بيتطاول على راجل كبير بيحاول يركب الاتوبيس و ببطئه فى الركوب معطل الاستاذ العشرينى عن ميعاده المهم وبالتالى حقه
يتنرفز ويقل ادبه ... ماهو حقه !!!
انك تلاقى شوية عيال صغيرين لسة طالعيين من المدرسة اتلموا على بنت ماشية فى حالها ( طبعا متوقعيين بيعملوا ايه :-0 )

*********

بيمر عليا كل يوم خناقات وشتايم وكل التحابيش بقى ... بس عمرى ما وقفت قدامها زى ما ما وقفت قدام الموقف ده :

( مرة كنت فى الاتوبيس والسواق بينادى عن اللى مدفعش التذكرة واتنرفز ان محدش بيرد ...، بس بعد شوية دور على اللى مدفعش اكتشف انه راجل عجوز ... الراجل بص فى الارض واتكسف السواق طبطب على كتفه وقاله :"ربنا يفتحها عليك يا ابويا ").

التسامح والرحمة مبقاش هو الطبيعى .... الاخلاق والرقى وكل التفاهات دى بقت موضة قديمة ....

 بقينا فى زمن شعاره :" العنف هو الحل !!! "

ادعوا لخالد بالرحمة ، وادعولنا كلنا اننا نعرف نرحم بعض ....

فن الحياة ....3>

فى الاول كدة اقروا ده :
بريد الجمعة : فن الحياة

فى البداية كنت اتصور ان العلاقات نسخ متفرقة
من نفس الاصل الممل
تختلف الصورة العامة لكل نسخة ...
وتجتمع التفاصيل ....

فلا جديد الا حلقات الملل ...
تتداخل كل منها لتصنع مزيد من التعقيد ...
ولمزيد من التعقيد احبطت كل احلامك ...
قتلتها داخل رأسك الجميل ...
قال : سنثبت الاختلاف بعلاقتنا ...
قلت : فلتترك احلام الاطفال جانبا ...
ولتدرك واقعك ...

فلتعذرنى ...
كم كنت حمقاء...
وانا اشيع جثمان فكرك ...
كم طغت تلك الافكار الغبية على عقلى ...
وكم حبستنى داخلها حلقات الملل ...

 اود لو اعود بكلماتى اميالا للوراء ...
ان اسمع فكرك يطربنى ..
فهل لك ان تعيده الى الحياة ؟؟
ولتعلمنى ولو لدقائق فن الحياة .....

 i mean it :)

احساس غريب

الاحساس ده غريب 
عمرى ما حسيته...
مهما اتظاهرت انى حسيت بيه قبل كدة 
بس لأ ....
دى اول مرة بجد 
حاسة انى طايرة ...
ياااااه ........
كام مرة سمعت ناس بيقولوا انهم طايرين 
وكام مرة انا نفسى قولتها 
بس بجد بجد دى او مرة بطير ...
انا بلمس الارض وأكنى مش بلمسها ...
ايوة بطيـــــــــــر .....


حاسة بجد انى فرحانة مبسوطة 
فى عيونى دموع الفرح ...
وبضحك بصوت عالى 
مهما كانت النكتة سخيفة ...!!
واكنى بدور على طريقة
تخلينى اعبر عن اللى حاساه ...


اكتر من احساس بجربهم 
وكلهم فى نفس الوقت وبنفس القوة ....
حتى الخوف مش سايبنى ...
عارف لما تبقى نايم
وفى عز الحلم حد يصحيك ...
قد ايه بيبقى احساس وحش 
بيبقى نفسك تكمله ....


انا برضه ...
خايفة حد يصحينى 
خايفة انى مكملش جوة احساسى 
نفسى ادخل فيه اكتر اكتر ....
نفسى احساسى يتملكنى ....
يبقى اقوى من ايد جاية تقرب تصحينى 
ونفسى افضل طايرة كدة ع طــــــــول ....

msg :)

he sent me this msg 2 years ago and really i`m thankful he didn`t know how he make me feel better every time i read it ... thanks 

:) :)

so i put it front ur eyes just to feel it then believe in it: 

winning horse doesn`t know why it runs in race ??... it runs because of beats & pains ... life is a race ... Gods is ur rider ... so if u r in pain then think Allah wants u 2 win the race ....

الفكرة الهاربة !!

كنت على استعداد تام لاستقبالها ...، اجلس بانتظارها منذ ساعات لا اضىء الا كشافى الصغير و اضع امامى الورقة وزجاجة العصير بينما امسك بقوة القلم بين اصابعى فى وضع الانطلاق ...
لاحت امامى فكدت اطير فرحا وانا اراها تتشكل كما اريد ، فهاهى تظهر كاملة بلا عيوب .
فجأة تختفى وهى تجرى مسرعة ...
اطاردها ... تزيد من سرعتها ...، فتطير بخطواتها بعيدا عنى ...
يتملكنى اليأس فابعدها عن عقلى  ...،تطير كالطيف مجددا امام عينى ...
احاول مرة اخرى ان الحقها ... فتعود لكرتها تهرب وتهرب وتهرب ...، فتزيد من نوبة جنونى...
ارمى بها بعيدا لخارج حدود ذاكرتى نهائيا واضع قلمى جانبا رافعة كل رايات استسلامى .
فتنقلب الآية تلك المرة فتتحول هى كى تلحقنى ...، اركض اركض هربا منها ...، فيزيد اصرارها كى أتوقف ...
اسمعها تنادينى ... يتردد الصدى حولى فاشعر وكأننى داخل لعبة ثلاثية الابعاد ...
اعجبتنى اللعبة ... ولا اعلم اين سأتوقف لأحمل تلك "الفكرة " الشقية الى ساحات اوراقى ... 
ولكننى انوى ان ألقنها درسا اولا حتى لا تعتاد الهرب منى كما فعلت اليوم مرة اخرى ...