29‏/10‏/2015

مسابقة تحدي الثلاثين يوماً

هي مسابقة بالنسبة لي كان اشتراكي فيها صدفة وهدفي انها تحفزني لهدفي اللي بحاول اسعى ليه من بقالي سنين

اني اخلص كتابي الثاني .. اللي معرفش ليه بيتأجل وليه مبخلصوش 

الواحد عجز باين !

ولذلك قررت انا باسنت خطاب اني ابدأ رحلة الثلاثين يوم كتابة ومراجعة وووضع رؤية نهائية لكتابي العزيز 
اللي عايزاه يتولد مع بنوتي ان شاء الله ^^

#تحدي_الثلاثين_يومًا
استعنا على الشقا بالله ^^


11‏/08‏/2015

دون يدون تدوين (1)

بما ان التدوينة دي تعتبر التدوينة الأولى ليا في حملة التدوين الشهرية 
وبما ان حملة التدوين كفكرة سبب من اسباب سعادتي المطلقة في كل الوقت 
برغم من اني قليل لما بلتزم بيها لآخر تدوينة 
بس الشيء الجميل انها بتخليني احس بمجتمع المدونات وهو ايد واحدة يا بهجت :D

اغلب الناس اللي بقدرهم في حياتي اتعرفت عليهم من خلال الساحة دي ..

الناس اللي بنراقبها من بعيد والناس اللي بنقعد نقول ازاي بيقولوا اللي احنا حاسينه كدة ازاي 
الناس اللي بيغرونا نكتب عندهم تعليق واحنا اصلاً منعرفهمش ..
ونلاقينا بنحط اول في علاقتنا ..

تخيل اني اكتب حاجة فاللي يقراها يكون عارفني اكتر من ناس كتير حواليا مقروهاش ..
اكون عارفه حاجات عن ناس مش بيصرحوا بيها قدام حد ..
الفكرة ان الحاجات دي فالغالب بتلمسنا .. بتخلينا نفكر في حياتنا 
بتخلينا ناخد ردود افعال تجاه الناس اللي حوالينا ، العلاقات اللي بنخوض فيها ، حالنا احنا كحالة مُفردة كدة .

الصراحة انا مش عارفه المرة دي هأكتب عن ايه 
معنديش خطة بس ميزة التدوين كدة ان هو اللي بيعملي الخطة والحاله 

دون يدون تدوين

10‏/06‏/2015

الوقت الملائم ...

ابكي ..
ربما هو الوقت الملائم 
حتى نعرف 
كم هي متناهية الصغر
 تلك المساحة التي نشغلها ..

ربما هو الوقت الملائم 
كي نكتشف 
ان تلك الطاقة التي نهبها بأتجاه ارواحهم 
هي طاقة مهدرة !

فأرواحهم لها مثل تكوينهم المصمت ..
لا ابعاد تحتوي القلب ,
لا ابعاد تحتوينا !

ربما هو الوقت الملائم 
الذي يجعلني اكتشف كم انا حمقاء ..
اسعى بغباء لوضع وشم الخيبة بقلبي .

العابرون يؤلمون ..
ومن بقي يعزز الألم بألم .

ربما هو الوقت الملائم لأحرر عبء الخطوات عن قلبي .

الآن تماماَ انا بلا قلب ..
ولا أبكي .

24‏/02‏/2015

بناء على ما قيل .. قال !

"أختفي"
فعل امر يعني ان تمحي كل ما له علاقه بأثرك ..
البالونات الملونة والأغاني المراهقة والرسائل الليلية 
والأحاديث التي تحمل اشارات لم يتعلمها سواكما.

أتظن انك قادر على ان تتخلص من اسمك بسجلات رسمية ؟
ان تتخلص من اسم كأسمك بكل السجلات الرسمية .
لن تصبح فكرة جيدة 
ان يقابل شخصاً يحمل مثل اسمك في يوم لا يتوقع فيه مطر ؟

هل تمحو آثار اصابعك 
اشياءه التي اختلست من الزمن حيناُ لتبقى جوارك ؟!
حافظة نقود ومفاتيح تحمل حرارتها برود قسوته الآن ؟
والهدايا ..
هل يتوقف الزمن من ساعة يده التي اهديته اياها 
ليتذكرك ؟
أتفكك عقاربها كي تلغي  وجودك من محيط ازمنته ؟!

فلتحرق أوراق انتسابك لقلبه ،
هل تعجز ان تزيل اثارعناق اخير ؟
لا بأس سيتخلص من قميصه الذي ارتداه حينها ،
وسيغتسل ليودع رائحتك العالقة بين مسامه .

أختفي ..
ولن تحتاج ان تهديه  نسيان
أختفى
واثارك داخل بالوعات الذاكرة .. تختفي !

06‏/02‏/2015

حلزون

" من الممكن ان ينام الحلزون لمدة ثلاث سنوات ..."

لمعت الفكرة برأسي ، لا اكل عن البحث عن حيوان تلتبسه روحي بعد الموت ، لم تكن اختياراتي 

السابقة للـ"قط" مثالية كأختيار "الحلزون" .
ما الضير لو كنت حلزوناً في مرحلة سباته الآن ؟
لا يشعر بشيء ... لا يزعجه شيء البته..
ولا يضطر الى حشو "عقله" بأشياء تتغير على الدوام ... ، بل هو لا يملك واحداً بالأساس !
اذا هو لن يعي .. لن يعي حقيقة  وجوده داخل "صدفة" توهمه عبثاً انها  هنا كي تحميه ..
وهي تتجاهل احتمالية تفتتها المتكررة مع كل خطوة  قدم تعبر فوقها !

وكان
 مثلي لا يخجل من أتخاذ صدفة حيوان رخو قدوة له ..
يحذو حذوها ..
"انا هنا جوارك كي احميك / لن يمسك سوءا طالما كنت  هنا " !

فتفتت !



1#

انا عايزة اعمل حاجات مبهجة ، عايزة اعمل حاجات تخليني مبسوطة وفي نفس الوقت متكونش بتستنزف من روحي وبتاكل حتة ، عايزة لما اتخنق واتضايق من ناس الاقي الفكرة اللي تحضنني ، ولما الفكرة تتعاد وتبقى روتينيه ومملة يبقى عندي رفاهية اني اغيرها ، نفسي اعيش الدنيا زي ما بحب اعيشها ، نفسي متكسفش اني اقول مليت .. زهقانة ، احاسيس طبيعية جداً انها تنتاب شخص مودي زيي ، بس اللي مش طبيعي انى ازهق فملاقيش الا طبطبة بكلمة استحملي ، لأن دفن روحي بالحياة شيء ميستحقش اني استحمله .
***
لما دخلت عرض "1980 وانت طالع " مع صحابي نص الأسبوع اللي فات ، كان هدفإني اكسر الروتين وحط تحت الروتين 10000 خط !
المشكلة ان العرض مكنش كوميدي ومكنش تراجيدي بس كان هم جديد أنضاف لقايمة همومي ,
لما تحس ان وكسة التوهه دي صابتنا ، وان الوبا بيتفشى والعفن مبقاش ينضف بمية وكلور محتاج اننا نتخلص من كل حاجة ونبدأ ع نضافه .

العجز اللي بيكومني في جنب الاوضة زي ست عجوزة مش عارفة تناول نفسها كوباية ماية علشان تاخد حباية الدوا اللي هي مش متأكدة ان كانت هي دي اصلاً الحباية المناسبة ليها .. ماهو النظر راح ومبقتش بتعرف تميز !

انتي لسة مصدقة انك طفلة وجناحاتك هتشيلك وتبعدك عن البؤس ؟
انك هتغلطي فتقولي انا اسفه ويتنسي الغلط ،
او تقولي انا مسامحة وتعرفي تكملي !
فيه غلط بينتف الجناح والسماح لازق جواه حقد بيوسخ جناحك ويسوده !



15‏/09‏/2014

6- اوقفوا الساعات #صورة_تحكي

لماذا لا تختفي تلك التكتكات الغبية الى الآبد؟!
ولماذا يجب ان يكون الآبد وحدة لقياس طول الزمن..
لما لا يصبح الآبد هو وحدة قياس معدلات ارتفاع الضجر من طول انتظار؟
وان تصبح مواعيد قدومهم متناسبة فقط مع الحاجة الى رؤيتهم..

احتاجك فلا تعطيني موعداً حسب ارقام غبية وعقارب لا تتسارع سوى ان تدق ساعة اخرى في ترقب بطيء
احتاجك.. فأجدك هنا.


#صورة_تحكي