كنت فى ورشة تابعة لمركز "الجسر للتنمية والحوار " اسمها خليهم يشوفوها بعنيك
الحقيقة استفدت من الورشة دى كتير فى ازاى يبقى عندى صوت واعبر عن كل حاجة بتشغلنى ، ده غير انى اتعاملت مع ناس بافكار مختلفة ولقيت ازاى ان كل الناس دى بتحترم افكار بعض ودى حاجة صعب انك تلاقيها فى الواقع العملى علشان كدة كانت الورشة من اهم الورش اللى حضرتها وأثرت فيا تأثير حقيقى .
فى نهاية الورشة كان فيه مشروع هو عمل فيديو زمنه دقيقة ونطرح من خلاله فكرة او موضوع وانا اخترت فكرتى عن التمييز وعنصرية فكرنا فى اوقات كتير اما بنعامل الناس لمجرد شكلهم الخارجى وايه اللى هما لابسيه واذا كان بيناسب افكارى ولا لأ
طبعا لو بيناسبها كان بها ميناسبهاش يبقى بعامل الانسان ده معاملة سيئة من غير حتى ما اتأكد من صحة فكرتى اللى وصلتلى عنه.
وبالتالى عملت الفيديو ده اللى حبيت انى اشارككم بيه واعرف ارائكم طبعا :
طبعا ميرسى كبيـــــــــرة للى شارك فى عمل الفيديو او الفيلم القصير جدا ده
وميرسى اكبر لكل اهل ورشة خليهم يشوفوها بعنيك
**الفيلم اتكرم فى الحفلة النهائية وخد جايزة كمان :) :)
ليست هناك تعليقات:
إرسال تعليق