19-3-2011
التاريخ ده مهم اوووووووووووى ....
مش هاقولكم المصريين اتغيروا ....
بس المصريين حاسة انهم رجعوا تانى ....
نزلنا انا وماما الاستفتاء ...
التلات مدارس بتوع دار السلام زحمة بطريقة غريبـــــــــــــــــة ...
روحنا الملك الصالح ومدارس مصر القديمة ...
برضه زحمة ... ...
روحنا مدرسة فؤاد جلال ... كانت اهدى نوعا مااااااا ...
ناس من كل النوعيات جلاليب على بنطلونات على حجاب على صليب ...
بجد حاجة تفررررررررح ...
الدنيا زحمة ورغم اننا وقفنا تقريبا ساعتين ونص ...
بس مفيش خناق ولا خنقة ...
الناس مبسوطة وبتتكلم اكننا واقفيين نستلم هدايا ....
والاهم من ده ...
ناس بتوزع ماية ...
ولاد واقفين يحموا صف البنات علشان محدش يضايقهم من برة ...
شوفت مصريين بحق وحقيق ...
وكنت مبسوطة ...
:) :)
عاش ولاد بلادى عــــــــــــــــــــ 3>ــــــــــاش
صوباعى :19-3-2011
صوباعى مش صباعى يعنى ههههههههههههههههههه
ردحذفمبروك يا بسبس وجدعه والله هيبقاليك قصه تحكيها وتتفاخرى بيها بين الى حوليكى وكمان هتحكيها لولاديك
انك كان ليكى دور فى مستقبل مصر ونزلتى وقولتى رأيك
والله مبسوط جدا انك نزلتى ربنا يحفظك يارب
شكراً لكل واحد او وحده راحو علشان يصوتو سواء بنعم او لا بجد شكراً وتعيشو لمصر وعاشت مصر ليكم
احل حاجة انها كانت نعم كمان
ردحذف:))