20‏/08‏/2011

باهت

لما ترسم على الوش
ضحكة
وانت حاسس
بالمرارة
هتبقى فى الصورة
انت باهت

.
.
.....

لما يبعد حد حبك
ويقول :
" صحاب"
تسلم تعيد وراه :
" صحاب "
ويطلع صوتك
 انت باهت



.
.
.....

لما تضطر لرحيل
تمد ايــد
"مفيش نصيب"
وانت عارف
الوداع فى ايديك انت
باهــــــت


.
.
.....

هناك 7 تعليقات:

  1. الله بجد
    بعة أووى و جميلة أووى !!
    و أحلى وصف بجد .. "باهت"

    إستمرى دايما بالكلام الحلو ده !

    ردحذف
  2. راااااااااائعه يا باسنت بجد
    تسلم ايدك

    ردحذف
  3. مش عارفه ليه حاسه ان الايام دي فعلا
    باهـــــــــــته
    عجبتني وحسيتها اوي
    تسلمي

    ردحذف
  4. لما تبقى موجوع وعادى
    وتقول مافيش دانا بس هادى
    وجوه نار تقيد ماتطفي
    تلقي وشك فى الكادر

    باهت


    واما تبقي ساكت سنين
    عايش تدوق نفس الأنين
    جواك شوق عايش عليه
    ببسمه ودمعه ونبض الحنين

    وفجاه تحس ان الحلم مات
    النبض مات
    مات الحنين

    مش باقى غير صورة قديمه
    ما بين سنينها ملامحى تاهت


    ذكري أليمه غرست دموع
    القلب مات طفو الشموع
    الدنيا وقفت لحظه تغني
    توصف اماكن بين الضلوع
    لما بجوع نفسي أحب
    واما اتوه ينسيني موتي طريق الرجوع

    ذكري أليمه هاتفضل معايا
    وغصه ف حلقي بتكتم ندايا

    وهايفضل دايما عليا شاهد
    كادر باهت

    ردحذف
  5. جاااااااااااااامدة يا بسنت

    ردحذف
  6. جميله

    احساس البهتان واضح انه متفشى ف المنطقه

    ردحذف
  7. لما يبعد حد حبك
    ويقول :
    " صحاب"
    تسلم تعيد وراه :
    " صحاب "

    حلوة اوى
    وصعبه اوى

    ردحذف