11‏/09‏/2011

رسالة اخيرة!!

بعتلى رسالة بعد غيبة طويلة .:
" الحياة قصيرة ..
ورغم كل الصعاب انا مبقدرش انسى
الناس المهمة فى حياتى ..
وانتى واحدة منهم
ياريت تكونى لسة فاكرانى
انتى ذكرى سعيدة ليا
اتمنى "تكونى كويسة" "
...
مقدرتش احدد ان كان اللى ضايقنى
انى برضه مجرد"حد" مهم فى حياته مر عليه
وانى مش "اهم حد" زى ماهو كدة عندى
او انى مش عارفة ان كان بيتسعبط
اما بيقولى لسة فاكرانى
وهو عارف انى مبفكرش فى غيره
ولا بيسأل لانى عديت على باله فجأة وقرر يبعتلى
وهيستغرب لو كان عدى على بالى هو كمان!
ولا اللى ضايقنى انى بقيت بالنسبة له ...
مجرد "ذكرى سعيدة" !!
****
معرفتش ايه الرد المناسب
بعتله :
"انا كويسة"
!!!

هناك 5 تعليقات:

  1. شوفي اللي كتبتو
    ياااااااااه
    كأني انا وانتي واحد

    ردحذف
  2. بيبقى احساس رخم اوى
    لما يكون حد هو عندك كل الدنيا
    وانتى تحسى انك عنده واحده فى الدنيا :S

    الصوره عاجبانى اوى ماشيه جدا مع الموقف

    ردحذف
  3. Always Stupid..
    No-one can understand what behind lines,Only who love can Understand it.
    Life is short=mean that his life is short.
    and with all of that he can't leave life without saying that He's a memory and you share it one of the best memories on his life..

    ردحذف
  4. وده أحسن رد ... موقف صعب جدا لما يبقى اللى المفروض يفرحنا هو نفسه اللى ضايقنا جدا لأنه محصلش بالصورة اللى بنتمناها

    :)

    ردحذف