06‏/01‏/2012

شخبطة

تقريباً ...
من كتر فرجتى على الافلام اللى كلت دماغى ..
بقيت بتعامل مع مشاعرى ..
واى حاجة بتحصل ...
انها بتحصل فى فيلم ...
والابطال ناس تانية معرفهمش حقيقي !
صدقونى انا بفضل عايمة جوة الفيلم بتاعى وفاكرانى بتفرج 
لحد ما ادور قدامى على زراير الميديا 
دايماً مبتكونش موجودة !


.
.
.
شوفت غلطتك فى حقى ...
شوفت تجاهلك ليــا
وتصميمك انك تستمر فى نفس اللعبة ... معايا 
كنت ساعات بقلب فى دماغى ...
"انا شوفت الفيلم ده فين قبل كدة ! "
.......
دلوقتى سامحتك ...
......
الفيلم ده شوفته قبل كدة ...
كنت انا البطلة!

.
.
.
مبيوجعنيش ان الفيلم يخلص ...
خالص على فكرة ..
مبيوجعنيش ان تكون النهاية مش على مزاجى ...
رغم انى مبحبش النهايات الوحشة !!
بيوجعنى بس انى كنت فاكرة نفسى المخرج ...
وحد تانى من ورايا قال فركش ...
الفيلم خلص !!


هناك 7 تعليقات:

  1. نو ووردس تو ساي الصراحه

    ردحذف
  2. لما بتحبي تحطي خطة مبتتقبليش اي تغيير ممكن يحصل مش على مزاجك

    عادي بقى...خطط الكون ازلية وهي اللي بتمشي ف الاخر..مش خطط البشر ابدا

    ردحذف
  3. اوقات بكون زيك كدا
    بتعامل مع موقف معين على انى فى فيلم
    واكتب سيناريو الموقف حسب النهاية اللى عيزاها :)

    ردحذف
  4. بعد كدة ماتمثليش مع حد !!
    مثلى لوحدك .. ولو فى حد حابب يشارك لأنه لايق على الدور بجد .. اقبلى ! غير كدة ماتجربيش حد عشان ماتتخذليش :S !

    ردحذف
  5. صدق الشاعر اذ قال ..

    الدنيا سيما في طبيعتها كلها افلام
    بنمثل فيها وبنخرج قبل مابنام
    وان عجبك دورك تستعجب وتقول يا سلام
    وان خانك حظك تتمنى لو روحك فوق
    والله بتمرجح فيها من تحت لفوووووق

    :D

    ردحذف
    الردود
    1. مش مشكلة ...مش عالطول هتكونى المخرجة...مرة هتكونى المؤلفة ومرة هتبقى الكومبارس وغيرها هتبقى البطلة الرئيسية ...هى الدنيا كده فيلم متعدد الادوار :)

      حذف