يوسف
عارف أنك الوحيد اللى بتطمنى فى الدنيا
أكتر من حضن ماما وربنا
بتخلينى أحس ان الدنيا هتبقى احسن
انا واثقة فى ربنا .... وواثقة اوى فيك.
بتوحشنى اووى
وبتبسط اووى لما تبقى واحشنى
والاقى حاجات بتودينى ليك من غير ترتيب
اتعودت احب الصدف علشان بتقربنى منك
الصدف فيها الخير
بتهون من وجع قرار القدر
- اللى مكنش فى صفى - !
مانا كان نفسى اعيش معاك
اكون قريبة منك باى طريقة
كان نفسى اسمع صوتك
وانت بتنصحنى
"أصبرى .. همك مش هيزيد عن هم يعقوب ! "
زمان مكنتش اعرف عنك ..
الا ان فيك نص جمــال البشــر ،
بسذاجة الصغيرين وتفكيرى المحدود
فكرت ان وشك بس اللى جميــل
مع الوقت علمتنـى ..
جمــال القلب دايماً بيفيض
يوسف ...
يا احسن القصص
انت نـــور القلـــب
فعلـيك الســـلام
.
.
.
.
"قَالَ أَنَاْ يُوسُفُ وَهَذَا أَخِي قَدْ مَنَّ اللَّهُ عَلَيْنَا إِنَّهُ مَنَّ يَتَّقِ وَيَصْبِرْ فَإِنَّ اللَّهَ لاَ يُضِيعُ أَجْرَ الْمُحْسِنِينَ"
الله :)
ردحذفما أجمل العلاقه حين تكون لله وفي الله وبالله .. فما بالك عندما تكون بآيات الله وكلماته
:)
ردحذفأنا بعمل زيك...بس "مريم" هي السر بتاعي
لما ربنا بيرزقني بابتلاء بصبر نفسي زيك برضه وبقول عمر ما ابتلائي هيوصل لابتلائها