احساس غريب

الاحساس ده غريب 
عمرى ما حسيته...
مهما اتظاهرت انى حسيت بيه قبل كدة 
بس لأ ....
دى اول مرة بجد 
حاسة انى طايرة ...
ياااااه ........
كام مرة سمعت ناس بيقولوا انهم طايرين 
وكام مرة انا نفسى قولتها 
بس بجد بجد دى او مرة بطير ...
انا بلمس الارض وأكنى مش بلمسها ...
ايوة بطيـــــــــــر .....


حاسة بجد انى فرحانة مبسوطة 
فى عيونى دموع الفرح ...
وبضحك بصوت عالى 
مهما كانت النكتة سخيفة ...!!
واكنى بدور على طريقة
تخلينى اعبر عن اللى حاساه ...


اكتر من احساس بجربهم 
وكلهم فى نفس الوقت وبنفس القوة ....
حتى الخوف مش سايبنى ...
عارف لما تبقى نايم
وفى عز الحلم حد يصحيك ...
قد ايه بيبقى احساس وحش 
بيبقى نفسك تكمله ....


انا برضه ...
خايفة حد يصحينى 
خايفة انى مكملش جوة احساسى 
نفسى ادخل فيه اكتر اكتر ....
نفسى احساسى يتملكنى ....
يبقى اقوى من ايد جاية تقرب تصحينى 
ونفسى افضل طايرة كدة ع طــــــــول ....