02‏/07‏/2011

آخر يونيو :(

بالظبط زى آخر يوم فى مدرستى
اللى قضيت فيها سنين كتيـــر ...
او اليوم اللى قبل سفر ابن خالتى
للسعودية ومش هيرجع الا بعد سنتين
زى الوقت اللى بودع فيه صحابى
على محطة المترو
بعد يوم خروجة اتبسطنا فيه ..

زى اما اسمع اغنية سهر الليالى ..
واعرف ان فرح بنت خالتى
خلاص خلص ...

زى اخر عدساية
فى طبق "الكشرى" اللى بعشقه ..
وانا بتمنى الراجل يسألنى :
"تحبــى تاخدى كمالة ؟"
:D :D

زى كل حاجة حلوة
قلبى بيرقص من كتر بسطته بيها
وخلاص آن الوقت انها هتخلص

كنت كدة يا يونيو :))
لأول مرة يكونلى فيك ذكرى حلوة
"حملة التدوين اليومى لشهر يونيو"

عرفت صحاب ومدونين بجــد
فخورة انى عرفتهم ..
لاول مرة ابقى مستنية الردود على اللى بكتبه
لأول مرة ادون كل ده فى شهر واحد

اتمنى نكررها بقى :* 3>



التدوينة الثلاثون بـ حملة : دَوِنْ

هستنى ميعادنا الجديد يا حلويين
:):)

هناك 6 تعليقات:

  1. جميل أنحس بانجازاتنا .. أرق التحايا

    ردحذف
  2. الشهر كان مميـــز اوووووووى
    3>3>

    ردحذف
  3. جميلة اوى يابسبوسة :):)
    انا كمان إتبسطت الشهر دة جداً الحمد لله
    إن شاء الله الصداقات التحفة دى اللى عملناها من التدوين تدوم على طول :)

    ردحذف
  4. كان شهر جميل اوى فعلا
    مبسوطه انى عرفت مدونتك خلال الحمله :))
    وبالتوفيق دايما

    ردحذف
  5. فعلا كان شهر حلو جدا
    قلتى كل اللى نفسى أقوله ... بوست تحفة جدا
    مبسوطة انى عرفت مدونتك
    :)

    ردحذف
  6. كلامك جميل اوي
    يارب يكون فيه تاني عشان نعرف بعض اكتر ومبسوطة اوي اني عرفت ناس كتير من الحملة دي مع اني مدونتش كتير فيها

    ردحذف