28‏/11‏/2011

انتخب شكــراُ

28-11-2011
الساعة 12:50 د ظهراً

ظهرى خلاص كان بجد مش مخلينى قادرة امشى بس كنت حاسة انى عملت حاجة محترمة ، تستحق انى اعزم نفســى على شيكولاتاية فلوت مثلاً :))

الطابور بجد كاااااان طويل جداً بامتداد كوبرى بحاله الناس واقفة ولحد باب المدرسة اللى على ما وصلتله فضلت واقفة يجى 3 ساعات ونص .

الحلو ان كل الناس استحملت الوقفة الطويلة دى خصوصاً ان المطرة كانت مطينة الشارع وبجد كنا واقفيين فى مأساة ! :@
بس الناس كانت مصرة يمكن كان فيه نسبة خايفين من حكاية الغرامة بس الغالب كان بيتكلم انه عايز يغير
(( فن التغيير ده حلوة بجد  
♥ !!))الناس متحمسة كله بيحاول يفهم كله هيعمل ايه بالظبط ... كله بيطمن كله على ان الوقفة دى اخرها لينا ... وبنفكر بعض ان صوتنا امانه !!
وبجد مش هاقدر اوصف فرحتى وانا بشوف ناس كبار 50 سنة واكتر ومع ذلك مصممين انهم يعملوا حاجة :)) 
يمكن بس فيه كذا حاجة عكرت مزاجى فى اليوم /
اولاً : الدعاية اللى بالعربيات والميكروفانات والمندوبين اللى استمرت لحد واحنا واقفين فى الطابور .
ثانياً : المناديب اللى استغلوا ان ناس كتير فعلاً مش بيعرفوا حتى يقروا ولا يكتبوا ونفسهم ينزلوا ينتخبوا ، وقعدوا يكتبوا للناس فى ورق معاهم ينتخبوا مين وارقامهم ايه ورموزهم ايه :@@ وللاسف دى كانت نسبة كبيرة اووى !!!
ثالثاً : وانا فى اللجنة فوق ، كان فيه واحدة قدامى فمعلمتش فى ورقة القايمة فالمراقبة فى اللجنة بتسألها وكدة طلعت علشان المندوب كتبلها فى الورقة رمزين بس ، والناتج ان الست اختارت الرمز التالت ((القايمة)) عن طريق الرمز اللى عجبها !!!
رابعاً : سؤال فضلت اسأله لنفسى كتير واتكرر فى كذا لجنة ، هو ليه فى مناديب من حزب الحرية والعدالة جوة المدارس وبيطلعوا ويوصلونا ويأكدوا علينا رمز الميزان متنسوش !!! :@@
خامساً : بما انى وقفت قدام المدرسة اكتر من تلات ساعات اقدر اقولكو ان لسة فينا ناس متعرفش ان النظافة من الايمان ... ، وهما بيرموا الورق اللى بياخدوه من المرشحيين على الارض بكل براءة :SS

يمكن فيه سلبيات ، بس اول الغيث قطرة وانا متأكدة ان الغيث اللى جاى هيجيب محصول فيه البركة ;)


هناك 3 تعليقات:

  1. أزال أحد مشرفي المدونة هذا التعليق.

    ردحذف
  2. انا برضه موضوع مندوبين الحرية و العدالة هيجننى .. بس بغض النظر عن آى سلبية أحساس جمييييييييييل جداااااااااااا إن أخيرا صوتنا بقى ليه لازمة و بنعبر عن رأينا

    ردحذف
  3. شوقتونا للانتخابات ... عقبال عندنا ..

    عارفة مهمة تطول الوقفة .. في الاخر ع فايدة وبتحسي حالك هيك فخورة بنفسك .. وإلك قيمة @@ وصوت !!

    سعيدة من أجلك ومن أجل مصر الحبيبة ..

    ردحذف