والأجازات ايام ممتازة !! ^_^

ماهو اصل انا لقيت ان مفيش آمل فى انى أخد اجازة طويلة شوية واروح اسافر لاى مكان 

او حتى انى اغير عاداتى واتقى ربنا فى نفسى ومخليش الفيس يفترسنى زى ما بيعمل كدة

قفلت الوال عندى 

رميت موبايلى - على اسا انى مكنتش رامياه قبل كدة ^_ ^ -

 وقررت انى هاخد أجـــازة إلكترونية ..

تتوقعوا فلحت ؟!
.
.
الحقيقة نص نص...

بما انى بكتب ناو :D

ماهو انا مش هألغى حياتى الالكترونية برضه 

بس بالظبط بدخل ع الميل 3 دقائق بشوف ان كان فيه ميلات جديدة 

بتجول فى المدونات ربع ساعة نص ساعة بالكتير اوى...

وبعدين بقى بتحول لحياتى الطبيعية تانى 

بكتب .. برسم .. بقرأ كتب من حبر وورق (( لحم ودم مش إلكترونى دمها تقيل ))

.
.
الاجازة الألكترونية دى ليها فوايد وعيوب 

ميزتها انك بتلاقى نفسك بتشوف الدنيا بألوان تانية خالص

يعنى انا لأول مرة من شهور كتيرة ادخل المطبخ واركز فى اماكن الحاجة بتاعتنا وعرفت ماما بتشيل المسحوق فين وفوط المطبخ وكل الحاجات دى

علشان فى العادى كنت بدخل المطبخ زاير اعمل حاجة بسرعة واجرى علشان الحق ارد ع الكومنتات :D

وضبت ورقى المبعثر فى كل حتة .. 

كمان كتبت بذمة

دخلت موقع عن الرسم الرقمى وهو حاجة نفسى اتعلمها علشان تفيدنى فى التصميمات وفعلاً بدأت فيها جدية مش رغى وخلاص 

والأهم ان عندى خطط كتيرة وحاسة ان فى وقت انى اعملها عادى جداً

.
.
يمكن خدت اجازات كتيرة لاعادة ترميم نفسيتى قبل كدة 

بس دى اول مرة اخد اجازة علشان ارجع للواقع وبدأتها اصلا وانا نفسى مفتوحة :D

.

.

اكتر حاجة مفتقداها صحابى بجد :(

بس انا هأعتبر نفسى فى مصحة وبتعالج ^_^
علشان اتعالج من إدمانى كدهون :D :D

.

.

يمكن حد يحس انى مكبرة الموضوع وان مفيش حاجة تستاهل يعنى وان النت علينا حق :D
بس صدقونى ده مفترس :SS

.

.

يلا اسيبكو بقى مش تعطلونى 

:P :P

انا كدة خدت جرعتى اليومية :D