امبارح الصبح كتبت استاتيو على الفيس بوك :
هى ليه لغة الحوار بقت ركيكة كدة !!!!
هو علشان ابين انى عبقرى سياسة لازم اشتم واقل ادبى :@
عيــــــب :|
وده طبعاً علشان كان فيه طريقة كلام من كل الاطراف فى غاية القبح
بنات قبل الولاد بيتبادلوا كلام بطريقة متنمش ابداً ان اللى شغالة فى الميدان دى ثورة حضارية !!
اتهامات بالتخوين ياريتها اكتفت بس بكونها اتهامات
ومش عارفة اوصفها باى حاجة الا انها قلـة ادب !
.
.
.
بليل بقى او بعد خطاب المشيــــر بمعنى اصح :D
مكنتش تقدر تفرق بين ان دى هوم الفيس بوك ولا خناقة فى حارة
منتهى قلة الادب
اقذر الشتايم
وللاسف مفيش فرق فيها بين بنات وولاد
كلــــه بيشتم واكن العذر انهم متعصبين :@
.
.
.
افتكــــروا اننا شعب عايز يثور عن اوضاعه اللى مش عاجباه
وان خلل الاخلاق ده اهم 10000 مرة من 100 حــــاكم مستبد
وان اللى قلــــة الادب اللى بقت الاسلوب الامثل لتعبيــــر اغلب الناس عن غضبهم
.
.
.
عيــــــــــــــــــــــــــــــــــــــــــــــــــــــــــــب !!!
يا فندم الشمكله ان خلل الاخلاق موجود من فتنره كبيره واتطور مع الوقت اصلا ومحدش اهتم بيه وكله بيدي لنفسه الحق في الغلط
ردحذفمعاكِ حق!!
ردحذفبس الحق يُقال فيه ناس قدرت تمسك لسانها بالرغم من انها فعلا كانت محتاجة تشتم :D
هي المشكلة ان كتير بيدوا نفسهم العذر بالغضب علشان يتحججوا بيه,, مع إن الغضب مهوش مُبرر ولا داعي لده
والله معاكى حق يا باسنت
ردحذفمهما كان اللى بيحصل مش من حقنا نختلف مع بعض لدرجه اننا نقل ادبنا!!
بما ان احنا بندور على الحريه والديمقراطيه
يبقى من حق اى حد يختلف معانا
مهما كانت اتجاهاته
@Jemy :
ردحذفماهى دى الازمة ان التطور ده هيوصل لفضايح بعدين وبجاحة اعتقد اننا مش هنحب انها تكون طريقتنا !ّ
@Dina :
ردحذفماهو يا دينا زى ما بيقولوا اما حد بيبقى متضايق ساعتها بيتكلم بلسانه
يعنى لو لغتك الام انجلش هتتكلمى انجلش
ولو انتى من حارة هتبان فى لهجتك
نفس ده اللى بيحصل ناو
الاناء ينضح بما فيه يمكن
بس المشكلة انه بينضح علينا
@Bent
ردحذفالنهاردة كملوها بقى وكله بيتريق على كله بتوع التحرير بيتريقوا على العباسية وبتوع العباسية بيعندوا فى التحرير
واكنه خناقة بين التراس اهلاوى وملكاوى وناسيين انه مصير بلد !