الكاتبة الرقيقة والمدونة القديمة "دعاء جميل"
كتبت التدوينة دى من يومين كدة :
مش هاتغير علشان حد يحبنى !!
بس انا قريتها النهاردة والحقيقة هى الهمتنى <3
شكراً دعاء :) ^_^
مش هاتغير علشان حد يحبنى !!
بس انا قريتها النهاردة والحقيقة هى الهمتنى <3
شكراً دعاء :) ^_^
اللى بيحبنى هيبقى عارف انى باردة جداً اغلب الوقت بس ممكن حاجة تافهه تعصبنى
اللى بيحبنى هيستحملنى وقت ما اكون متضايقة وعارف انى وقتها بحب افضل ساكتة ومتكلمش ..بس ببقى محتاجاه يكون جنبى
اللى بيحبنى هيعرف انى غيورة ومملة وانى مبجمعش كلمتين حلويين على بعض !! :D
اللى بيحبنى هيعرف انى ممكن ادبس نفسى فى حاجة مش عايزاها علشان مرضاش ازعله او اتكسف انى احرجه ..
وبعدها بحس باحساس وحش انى معملتش الحاجة اللى انا عايزاها بمزاجى ... فمش هيرضى انه يخلينى اتدبس فى حاجة تانى :))
اللى بيحبنى هيعرف انى مبنطقش واقول اللى مزعلنى ...وانى وقت ما اقول انا زعلانة من كذا وكذا وكذا ... يبقى فاض بيا ... علشان كدة لو تجاهل اللى بقوله ده بحس انى مليش قيمة عنده والطبيعى انه برضه ميكونش ليه قيمة عندى !!
اللى بيحبنى هيعرف انى كأى بنت طبيعية عايزة انى احس بان حد بيهتم بيا ... بس انا بحس بالكدب والاصطناع ... علشان كدة مش هيعمل او هيقول اى حاجة الا لو حاسس بيها بجد !
اللى بيحبنى هيعرف انى مبحبش الكلام الكتير مع الناس ... بس معاه هكون عايزانا طول الوقت نكون بنتكلم ...فمش هيبطل رغى :)
اللى بيحبنى هيعرف انى عايزة نص تانى مش مجرد واحد وخلاص ... علشان كدة هيحاول يحسسنى كمان انى نصه التانى ..
مش اى بنت وخلاص !!
وبس بقى :)
التدوينة السادسة عشر لحملة التدوين اليومى لشهر فبراير
اللى هيحبنى .. هيحبنى علشان انا احيانا بكون هادية جدااا واحيانا بتجنن وباكون عصبية جدا، موودى بيتغير فى الدقيقة سبعتاشر مره، عاقلة جدا وبزعل على حاجات هبله جدا، رومانسية بدرجة مستفزة، وبكره اللى ما يحترمش عقلى ورأى حتى لو غلط، يحترمه ومش شرط يقبله،هيحبنى علشان جدعه قوى مع اصحابى وعلشان من جوايا عيلة صغيره محتاجة دايما لحضن أب حنين يحميها!! هيحبنى علشان أنا دعــاااااااااء
ردحذف************
You inspired me too <3
<3<3<3<3<3<3 :)))
ردحذفطيب يا دعاء ويا بسنت
ردحذفاللى هايحبكم هايعمل كل الكلام دا
وانتو دوركم ايه فى الموضوع يعني :D
هو اللى هايعمل كل حاجه وانتو قاعدين تتلقو وبس :D
انا حاسه بجد الكلام ده معايا اووووى
ردحذفتسلم ايدك يا باسنت :)
اللي يحبني يحبني كدا فعلاً مش عايزني أتغير عشانه :)
ردحذفعشان أنا مش بطلب منه كتير و لا هو يطلب مني برضو كتير :)
حلوة أوي يا باسنت
تسلم إيدك :)