28‏/03‏/2010

تبسمك فى وجه اخيك صدقة :)

يوم زى كل يوم وبطبيعتى المتأخرة كالعادة يعنى ... عندى سيكشن الساعه 10 ويا سبحان الله انا قايمة من النوم الساعه 10 برضه .
بجرى حواليين نفسى ادور ع بنطلونى الجينز واى حاجة البسها فوق البنطلون الجينز وبالمرة اى ايشارب يليق على الاى حاجة .
مش لاقية الورق اللى المفروض اسلمه فى السيكشن ، ومش لاقية حتى الاجندة اللى بكتب فيها المسودة .
برتب حاجتى وانا بصرخ فى كل بنى ادم بشوفه قدامى حتى وشى قدامى المراية :" انتى مش هتبطلى صحيان متاخر بقى ... امتى نتعدل امتى !!! ".
خلاص رتبت كل حاجة بدور على الاشتراك اللى كنت سايباه فى البنطلون الجينز من امبارح مش موجود ادور فى المكتبة ... ع المكتب ... فى المطبخ ... حتى الحمام ... ملوووووووووش اثر ... :" خلاص خلااااااااااااااااااااص هشترى تذكرة ".
بجرى من قدام نفسى وانا خلاص ع اخرى بجد ودور ع دبانة تقولى صباح الخير او متقولهاش علشان اتخانق معاها .
ماشية فى الشارع بجرى بسرعة غريبة ايه باتينااااااااج !!! .
طلعت اشترى تذكرة من بتاع التذاكر ومنغير ما ابصله اديته الفلوس وشاورتله اتنين - رايح جاى علشان الذكاء - الراجل فضل ماسك التذكرتين ومش عايز يدهملى بجد اتنرفزت وبصتله وخلاص هطق !!!!!!!!!! .
لقيته بيقولى اضحكى .... ههههههههههههههههه .... بجد انا ضحكت من المرات القليلة اللى من قلبى بجد 
اووووووووووووووووى ...
وادانى التذكرتين وفضل بضحك لحد ما وصلت الجامعة والدكتور ادتنى الكشف ومش كتبتنى غياب .... وصحابى كانوا عسل يومها وبسبب الراجل ده قدرت اكمل يومى بجد .... :)

اتخيلواا معايا لو الراجل ده كان مكشر هو كمان ومعملش الحركة البسيطة دى ... كان يومى هيكمل ازاى؟؟؟

مش هاطول عليكم بس خليكو فاكريين :
تبسمك فى وجه اخيك صدقة :)

:) :) :)


ليست هناك تعليقات:

إرسال تعليق