النهاردة روحنا زرنا ابن خالتى اللى لسة راجع من السفر بعد غياب سنة ونص
واللى بجد اما شوفته وقعدت معاه حسيت انى مش عايزاه يسافر تانى ...
ابراهيم اكبر منى بتلت سنين واكبر من بانسيه اختى بـ 4 سنين ومن بيجاد بـ ست سنين ومن حسن بتقريبا 12 سنة ومش لازم اقول هو اكبر م حمزة بـ قد ايه ؟ :D
ومع ذلك ابراهيم بالنسبة لينا كلنا له نفس المكانة هو مش بس ابن خالتنا هو ظهر لينا واخونا الكبيـــر
بيقدر يتواصل معانا كلنا ، وليه علاقته اللى مأسسها مع كل واحد فينا .
بيحاول دايما يبقى متابعنا فى كل حاجة بنعملها ، ويبقى معانا
مش فضول او بس انه عايش فى دور الكبير
بس إبراهيم بجد إنســان مهتم وبيعرف إزاى يظهر إهتمامه باللى حواليه .
بيحسسنا انه دايما مسئول عننا حتى لو بطريقة غير مباشرة ،
كفاية انه كان مهتم بالبوم امنياتى انا وبانسيه علشان يعرف عايزين نحقق ايه لو يعرف يعملهم لينا ...
وحتى افتكر انى اما كنت عايزة اعمل حوار مع الفنان احمد زاهر وانا فى سنة تانية فى الجامعه ،
كنا المفروض هنروح حدائق الاهرام انا وبسمة وكان المكان بعيد ..
وساعتها طلبت من ابراهيم انه يروح معايا ووافق بحب مش بس لأنه مضطر ...
وساعتها طلبت من ابراهيم انه يروح معايا ووافق بحب مش بس لأنه مضطر ...
ومحدش يقول تانى البعيد عن العين بعيد عن القلب ...
احنا تقريبا مبقناش نشوف ابراهيم بانتظام قبل ما يسافر اول مرة يعنى من تلات سنين تقريبا ،
ومع ذلك ظل محتفظ بمكانته جوانا ...
ربنا يحفظك يا هيما ويديك الخيــر فى كل طريقك وتتجوز انت ودودو بقى
<3<3
فى ناس ممكن يكون بيفصلنا عنهم كام متر ، بس بعاد واكن بيننا قارات
وناس تانية بتفرقنا بــــــلاد ، ومع ذلك قريبين قرب صوابع الايدين
صورة ارشيفية ليوم زى الفُل :D :D
التدوينة الحادية عشر بـ حملة : دَوِنْ
كدت ابكي يا بسبوس والله بس ان شاء الله ابراهيم ميسفرش تاني علشان احنا بنحبه اااااااااااااااوي
ردحذف